آنکھوں کے چراغوں میں اُجالے نہ رہیں گے !
آ جاؤ کہ پھر ” دیکھنے والے ” نہ رھیں گے !
جا شوق سے لیکن پلٹ آنے کے لیے جا !
ہم دیر تک اپنے کو سنبھالے نہ رہیں گے !
اے ذوقِ سفر خیر ھو نزدیک ھے "منزل ” !
سب کہتے ہیں اب پاؤں میں چھالے نہ رہیں گے !
جن نالوں کی ھو جائے گی تا دوست رسائی !
وہ سانحے بن جائیں گے، نالے نہ رھیں گے !
شمعیں جو بجھیں بُجھنے دے، دل بُجھنے نہ پائے !
یہ شمع جو ھوئی گُل تو اُجالے نہ رھیں گے !
کیوں ظُلمتِ غم سے ہو خمار اتنے پریشان !
بادل یہ ھمشہ ھی تو کالے نہ رھیں گے !